• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Koi diqqat ho to hamein MAIL karen.

Waseela

Joined
Nov 6, 2016
Messages
52
Ratings
192
Points
26
Location
odisha, hirakud
#1
WASILA!!
Bismillahirrahmanirraheem
Arabic me Wasila ka Matlab(meaning) -“Qurb” Aur Urdu me Wasila ka Matlab- “Zariya” hai.


{Qurb Aur Wasila me Kya Farq Hai Aur Dono ka Matlab (meaning) kya hota hai?}
1. Qurb ka matlab hota hai "Nazdiki, Qaribi" aur Waseela (urdu) ka matlab hota hai "Zariya" to Allah ka Qurb kaise hasil hoga? Zahir si baat hai Aamaal-e-saaliha se yani neik Aamaal se aur Neik Aamaal hi Allah ka Qurb hasil karne ka waseela hai yani zariya hai,

2. Wasila ke matlab aisi chiz ke hain jo kisi maqsood ke hasil karne ya uska “Qurb” ka zariya ho-“Allah-Taala ki taraf Wasila talaash karo” ka matlab hoga aise Aamal ikhtiyaar karo jis se tumhe Allah ki raza aur uska “Qurb” hasil ho jaye,

3. Mojahid, Abu-Wail, Hasan, Abdullah-Bin-Kaseer, Imam-Siddi, Ibne-Zayed aur kai “Aaimah-e-Tafseer” ka bhi yahi qaul hai ke wasila ke matlab hi “Qurbat” hain, yani Allah-Taala ki Ita'at aur uske pasandidah aamalon ke zariya se “Qurb” hansil karna. ( Tafsir-Tibriyai: 308,309/6 )

4. Imaam-Qataadah farmate hain “Qurb” ke maane(yani meaning) ye hain ke Allah-Taala ki Etaat baja kar aur Allah-Taala ke khushnodi ke aamal ko sar-anjaam de kar iska “Qurb” hansil karo. ( Tafseer-Tibriyai: 309/6 )

5. Hafiz-Ibne-Kaseer(r.a) farmate hain:- In “Aaimah-e-Tafseer” ne jo kuch kaha hai iske bare me Mofasareen ke darmiyaan koi ikhtilaaf nahi hai, “Qurb” aise hi chiz ko kahte hain jiske zarya(waseela) se Maqsood tak pahun sake,
(Tahseel-e-Maqsood, Tafseer-Surah-Tul-Mayedah, Jilad-no---03, Safa-no--97 )

6. Ibne-Zayed ne iski tayed me is Aayat-e-karima ko padha:-Ye log jinko Allah ke siwa pukarte hain, wo khud apne Parwardigar ke yahan zarya(waseela) talaash karte rahte hain.(Surah-tul-BaniIsrail,Aayat-no-57) ( Tafseer-Tibriyai: 309/6 )

Zahir baat hai ke Allah ka “Qurb” hansil karne ka wahid zarya(waseela) “Amaal-e-Saalah” hai, isliye “Amaal-e-Saalah” hi Allah tak pahunchne ka wasila hain.
*************************************************************
{ Wasila Jannat Ke Sabse Buland-wa-Bala Aur Arfaa-wa-Aala Darje Ka Naam Bhi Hai }

Wasila jannat ke sabse Buland-wa-Bala aur Arfaa-wa-Aala darje ka naam bhi hai, jo Rasoollallah {sallallaahu Alaihe Wasallam} ka darjah hai aur Aap {sallallaahu Alaihe Wasallam} ka jannat me ghar hoga aur jannat ka ye muqaam Allah-Taala ke Aarsh ke sabse qareeb hoga,

Sahih-Muslim me Hazrat-Abdullah-Bin-Ummar {Radi Allahu 'Anhu} se riyawat hai ke unhone Nabi-Karim {sallallaahu Alaihe Wasallam} ko ye irshad farmate hue suna ke Jab tum Muzzin ko Azaan dete sono to issi tarah se kaho jis tarah wo kahta hai, phir mujh par Durood bhejo jisne mujh par ek bar Durood padha Allah-Taala is par 10 bar rahmat nazil farmaye ga, phir mere liye Wasile ki Dua karo, Wasila Jannat ka wa Aazim-o-Shaan muqaam hai, jo Bandagan-e-Elaahi me se sirf ek hi ko nasib hoga aur mujhe umeed hai ke wo banda main hunga, lihaza jisne mere liye Wasile ki dua ki to iske liye meri Shifaat wajib ho jayegi.
( Sahih-Muslim, Vol-no: 2, Book Kitaab-ul-Salaat), Hadees-no: 849 )
( Sunan_Nasai, Vol-no: 1, Book Kitaab-ul-Azaan), Hadees-no: 681 )


Sahih-Bukhari me Hazrat-Jabir-Bin-Abdullah {Radi Allahu 'Anhu} se riwayat hai ke Rasoollallah {sallallaahu Alaihe Wasallam} ne farmaya jo shakhs Azaan soon kar ye dua padhe, Tarjuma:- [Aye Allah! Jo tu is puri puri Dawat-e-Tauheed aur qaayam hone wali Namaaz ka maalik hai, Hazrat-Mohammad {sallallaahu Alaihe Wasallam} ko Wasila aur Fazilat aata farma aur Aapko is Qabil-e-Tauheed muqaam(shifaat) tak pahuncha jiska tune inse waada farma rakha hai] iske liye Qayamat ke din meri Shifaat wajib ho jayegi.( Sahih-Bukhari, Vol-no: 1, Book: 10 (Kitaab-ul-Azaan), Hadees-no: 614, Sunan_Nasai, Vol-no: 1, Book Kitaab-ul-Azaan), Hadees-no: 683 )

Imaam-Shokani(r.a) farmate hain-Wasila jo Qurbat ka maane(yani meaning) hai, Taqwa aur hansil kiye hue Aamal khair par sadiq aata hai,jin ke zarye se bande apne Rab ka Qurbat hansil karta hai,issi tarah jin chizon se roka gaya ho in kaamo se bachne se bhi Allah ka Qurab hansil hota hai, isliye jin chizon se roka gaya ho isse na karna bhi Qurb-e-Elaahi ka wasila hai, likin Jahilon ne is haqiqi Wasile ko chod kar Qabar me madfun(yani dafan kiye hue) logon ko apna Wasila samjh liya hai, jis ki sharyat me koi bunyaad nahi hai, Balke Hadees me is Moqaam-e-Mahmood ko bhi waseela kaha gaya hai jo akhirat me Nabi {sallallaahu Alaihe Wasallam} ko aata farmaya jayega, issi liye Aap {sallallaahu Alaihe Wasallam} ne farmaya jo Azaan ke baad mere liye ye Dua-e-Wasila karega wo meri shifaat ka mustahiq hoga, Dua-e-wasila jo Azaan ke baad padhna masnun hai.( Ahsanul-Biyaan, Page-no-302 )

Surah-Tul-Mayedah ki Aayat-no-35 ki puri tafsir ke liye dekhe. (Tafseer-ibn-Kathir, Surah-Al-Mayedah,Aayat-no,35 )

{Quraan-Majid Me Allah-Taala Ne Musalmano Ko Nijad Ke Liye Wasila Pakadne Ka Hukum Diya, Par Kuch Logon Ne Wasila Ka Galat Matlab Nikal Kar Musalmano Me ikhtilaaf Paidah Kiya}

Aye logon jo Emaan laye ho! Allah se daro aur uski taraf wasila talaash karo aur uski raah me Jihaad karo umeed hai tum kamyaab ho jaoge.( Al-Quraan, Surah-No- 05, Surah-Tul-Maydah, Aayat-no---35 )

is Aayat-e-Karima me Allah-Taala ne nijaat ke liye "3" baton ka hukum diya hai.
( 1 ) Taqwa Ikhtiyaar karna , ( 2 ) Wasila talaash karna, ( 3 ) Allah ki raah me jihad karna.

Taqwa aur Jihaad me koi ikhtilaaf nahi hain balke Wasila ke bare me logon ne ikhtilaaf kiya hain, Kuch log kahte hain yahan wasila se muraad Aambiya, Auliya, Sulhah, Shohada aur Murde Buzrugan-e-deen ect. Ka Wasila hai, Main aplog ko batana chahunga ke Quraan-Majid ki Aayat-e-Mubarak me jis Wasila ko talaash karne ka hukum diya gaya hai, Isse muraad Gair-Hazir ya Inteqaal (death) kiye hue Ambiya, Auliya, Shohada ect. To hargiz nahi hai.
Ab hum Quraan aur Hadees ki roshni me ye batana chhate hain ke Wasila se muraad (matlab) kiya hai.

1. Aur jo log Emaan laye aur neak kaam kare wo Jannati hain jo Jannat me hamesha rahenge.( Al-Quraan, Surah-No- 02, Surah-Tul-Baqrah, Aayat-no-82)

2. Yaqinan jo log Emaan laye aur unhone kaam bhi neak kiye aur apne palne wale ki taraf jhokte rahe wahi Jannat me jane wale hain,jahan wo hamesha hi rahne wale hain.(Al-Quraan,Surah-No-11,Surah-Tul-Hood,Aayat-no-23 ).

3. Jo log Emaan laye aur unhone kaam bhi Achhe kiye yaqinan inke liye Jannat-Tul-Firdaus ke baghaat ki mahmaani hai.( Al-Quraan, Surah-No- 18, Surah-Tul-Kahaf, Aayat-no-107 ).

4. jo log Emaan laye hain aur jinhon ne neak Amal kiye hain inhi ke liye Bakhshish hai aur izzat wali rozi.( Al-Quraan, Surah-No- 22, Surah-Tul-Hajj, Aayat-no-50 )

5. Beshak jin logon ne Emaan qabul kiya aur kaam bhi neak (yani Sunnat ke mutabiq) kiye inke liye niyamat wali Jannaten hai.( Al-Quraan, Surah-No- 31, Surah-Tul-Luqmaan, Aayat-no-08 )

Quraan-Majid ki aisi bahut sari Aayat hain jin me Dakhul Jannat ke liye sirf "2" hi chiz ka zikar hame milta hai.

1. Emaan
2. Amal-e-Saleh (Yani neak Amal)

Jis se maloom hota hai ke yahi wo Wasila hai jisse Allah-Taala ne talaash karne ka hukum diya, Aaye ab hum Hadees ki roshni me dekhte hain Wasila ke bare me.

1. Hazrat-Abi-Ayub-Ansari {Radi Allahu 'Anhu} se riwayat hai ke Rasoollallah {sallallaahu Alaihe Wasallam} safar me jarahe the, itne me ek Dihati-Aadmi aaya aur aage aakar Aap {sallallaahu Alaihe Wasallam} ki ount (camel) ki rassi (rope) ya nakil pakad kar kaha ya Rasoollallah {sallallaahu Alaihe Wasallam} mujhe wo baat bataye jo mujhe Jannat ke qarib aur Jahannam se door kar de, Aap {sallallaahu Alaihe Wasallam} ne irshad farmaya Allah ki Ibadat kar aur kisi ko iska shareek na bana, Namaaz qayam kar, Zakaat de aur Rishtadari ko mila yani Aazizon, Rishtadaron ke sath husan-e-suluq kar agar wo burai kare ya mulaqaat turk kare to tu neaki kar aur inse milta rah. (Sahih-Bukhari, Vol-no:2, Book:24(Kitaab-ul-Zakaat), Hadees-no:1396),( Sahih-Bukhari, Vol-no:5, Book:78 (Kitaab-ul-Aadab), Hadees-no: 5983 ),( Sahih-Muslim, Vol-no: 1, Book Kitaab-ul-Emaan), Hadees-no: 103 )

2. Hazrat-Abu-Hurera {Radi Allahu 'Anhu} se riwayat hai ke ek Dihati-Aadmi Aap {sallallaahu Alaihe Wasallam} ke pass aakar kahne laga ya Rasoollallah {sallallaahu Alaihe Wasallam} mujhko bataye koi aisa kaam jisse karne se main Jannat me chala jao? Aap {sallallaahu Alaihe Wasallam} ne farmaya wo kaam ye hai, ibaadat kar tu Allah ki aur uske sath kisi ko Shareek na kar aur qayam kar tu Namaaz ko aur de Zakaat jo farz hai aur Ramzaan ke Roza rakhe, wo shakhs bola qasam uski jiske hanth me meri jaan hai, main is se ziyada karonga na is se kam, tab wo pith pher kar chala gaya, Aap {sallallaahu Alaihe Wasallam} ne farmaya jisse pasand ho ke Jannati ko dekhe to isko dekh le.( Sahih-Muslim, Vol-no: 1, Book Kitaab-ul-Emaan), Hadees-no: 107 ) ( Sahih-Bukhari, Vol-no: 1, Book :24( Kitaab-ul-Zakaat), Hadees-no: 1397 )

Quraan aur Hadees ki dalil se ye baat sabit ho rahi hai ke Quraan-Majid jo wasila talaash karne ka hukum deta hai wo Emaan aur Neak Amaal ka wasila hai, jo qayamat ke roz Rasoollallah {sallallaahu Alaihe Wasallam} ki sifaat aur Bila-Aakhir nijat ka zarya banega.

{ Quraan Aur Hadees Ki Tamaam Dalilon Se Sirf 3 Tarah Ka Wasila Sabit Hai }:
1. Apna koi neak Amaal ka wasila lagao jaise ke Deen main jo tumne paisa kharach kiya hain ya aur koi neak Amal jo sirf Allah ki raza ke liye kiya ho.

2. Allah ke 99 naam hai uske naam ka wasila laga kar usse maango.

3. Aap main se jo zinda neak log hain unke pass jaake unse kaho ki mere liye Dua karen zinda ka hukum hai murdon ka nahi.

Aur sab se bahtar aur Afzal hai ki Allah se Direct mango.

Note:- Aur Duniya sy Rukhsat(Death) kiye hue Nabi, Wali ya Buzrugan-e-Deen ka wasila Quraan aur Hadees se kahin bhi sabit nahi hai, agar hai to Sahih Hadees se sabit kar de hum manne ke liye tiyaar hai.

{ Neak Amaal Ka Wasila } :
Abdullah-Bin-Umar {Radi Allahu 'Anhu} se rawayat hai Rasoollallah {sallallaahu Alaihe Wasallam} ne farmaya Teen Aadmi ja rahe the, itne me barish hone lagi to wo pahaad me ek GAAR tha. isme ghus gaye, Pahaad par se ek pather gira aur GAAR ke monh par aagaya aur monh band ho gaya, Ek ne dosre se kaha apne apne neak Amaal ka khayal karo jo Allah ke liye ho aur DUA maango in Amaal ke WASILE se shayed Allah-Taala is pather ko khool de tumhare liye,

To inme se ek ne kaha Mere Maa Baap budhe zaif the aur meri Biwi aur mere chote chote bachche the, ke main inke waste Bhendh, Bakriyan charaya karta tha, to inka Dodh (milk) duhta tha aur sabse pahele apne Maa Baap se suru karta tha inko apne bachcho se pehle pilata tha, ek din mujhko aane me shaam ho gai to maine apne Maa Baap ko sota hua paya, phir maine doodh (milk) duha jis tarah duha karta tha, phir main doodh (milk) laya aur apne Maa Baap ke sar ke pass khada hua, mujhko bura laga ke main inko neend se jagaon aur bura laga ke inse pahele bachcho ko pilaon aur bachche bhook ke mare shoor kar rahe the mere dono pairo (legs) ke pass, so issi tarah barabar mera aur inka haal raha subah tak (yani main apne Maa Baap ke intejar me doodh liye raat bhar khada raha) aur bachche rote chillate rahe, na maine piya aur na bachcho ko pilaya, Aye Allah! agar tere nazdeek bhi maine ye kaam sirf teri raza hansil karne ke liye kiya tha to hamare liye is chattan ko hata kar itna rasta bana de ke hum Aasman ko dekh sake, Nabi {sallallaahu Alaihe Wasallam} ne farmaya ke wo pather thoda hat gaya.

Dosre ne kaha aye Allah majra ye hai ke mere chacha (uncle) ki ek Beti thi, jis se main mohabbat karta tha jis tarah Mard Aurat karte hain (yani main iska kamaal Ashiq tha) so iski taraf mayel ho kar maine iski zaat ko chaha (yani haraamkhori ka irada kiya) isne na mana aur kaha jab tak 100 Ashrafiya na dega main razi na hungi, maine kosis ki aur 100 Ashrafiya kama kar iske pass laya, Jab main ne iski taang uthai (yani jamaa ke irade se) isne kaha Aye Allah ke bande! dar Allah se aur mat tood mehar ko magar haq se (yani begair Nikah ke bakarat mat zayel kar) to main uth khada hua iske upper se, Aye Allah agar tu janta hai ke ye kaam maine teri razamandi ke liye to hamare liye nikalne ka rasta bana de Nabi {sallallaahu Alaihe Wasallam} ne farmaya ke wo pather 2 tihai hat gaya.

Teesre ne kaha Aye Allah maine ek shakhs se mazdoori li, ek Farq chawal par (yani wo bartan jisme 16 ratal aanaj aata hai) jab wo kaam kar chuka isne kaha mera haq de maine ek Farq bhar chawal iske samne rakhi, isne na liya phir maine in chawalon ko bota raha, isme barkat hui yahan tak ke maine is maal se Gaaye aur Bael (cow & bull) aur inke charane wale gulaam ikhatta kiya, phir wo majdoor mere pass aaya aur kahne laga Allah se dar aur mera haq mat maar, maine kaha ja aur Gaaye Bael( Cow Bull) aur iske charane wale sab tu lele, wo bola Allah Jabbar se dar aur mujhse mazak mat kar, maine kaha main mazak nahi karta, wo Gaaye Bael (Cow Bull) aur charane wale ko tu lele, isne le liya, Aye Allah! agar tere nazdek ye kaam maine sirf teri raza hansil karne ke liye kiya tha to hamar liye is chattan ko hata kar rashta bana de. chunacha wo GAAR khol gaya aur wo teeno shakhs bahar aagaye.

( Sahih-Bukhari, Vol-no: 3, Book: 34 (Kharid-o-Farokht ka Biyaan), Hadees-no: 2215 )
( Sahih-Bukhari, Vol-no: 3, Book: 41 (Kheti Badi ka Biyaan), Hadees-no: 2333 )
( Sahih-Muslim, Vol-no: 6, Book Kitaab-ul-Zikar wa Tuba wa Istagfaar), Hadees-no: 6949 )

>>>>>>>>>>>>>>>>>>>>>>>>>>>>>>>>>>>>>>>>>>>>
Tashrih:- is Hadees se jo baat samne aati hai wo ye ha:
1. Sakht mosibat me aur nehayat pareshani me jiski koi tabdir na ho sake to apne khalis Amaal ko WASILA bana kar Allah se DUA kare Allah isko nijad de.

2. Maa Baap ka haq apni jaan aur biwi bachcho ke haq me muqaddam hai aur neakiyon me dakhil hai.

3. Qadir ho kar gunnah se bachna aur sirf Allah ke Dar aur Khauf se shawat (sex) ko dabana aur khawash-e-nafs ko mitana bede kamala ki baat hai, aur Allah ko nihayat pasand hai.

4. Haq walon ka haq adda karna Raza-e-Elaahi ka umdaa wasila hai.

{ Allah-Taala Ka Asmaa-Ul-Hasna (yani 99 name) ka wasila }
Aur Allah hi ke liye achhe achhe naam hain, lihaza tum isse in naamo se pukaro aur chod do in logon ko jo iske naamo me gajruwi ikhtiyar karte hain, wo jo kuch kar rahen hain jald is ki saza payege.( Al-Quraan, Surah-No- 07, Surah-Tul-Aaraf, Aayat-no-180 )

Hazrat-Abdullah-Bin-Masood {Radi Allahu 'Anhu} se riwayat hai ke Rasoollallah {sallallaahu Alaihe Wasallam} ne farmaya Jis shakhs ko jab bhi koi Gum aur Pareshani aaye to wo ye Dua padhe, [ Aye Allah! Besak main tera banda hu, tere bande aur teri bandi ka Beta hu, meri Peshani tere hanth me hai,tera hukum mere haq me nafiz hai, tera har faisla mere haq me Aayeen-Insaaf hai, main tere har us naam ke Wasile se jo tune khud apna naam rakha ya isse makhlooq me se kisi ko sikhaya, apni kitaab me nazil farmaya ya tune isse Elm-e-Gaib me apne pass hi mahfooz rakha, main tujhse ye sawal karta hu ke tu Quraan-Kareem ko mere dil ki bahar sine ka noor mere Gum aur Pareshani ko door karne ka zarya bana de,] To Allah-Taala zarur iski musibat, pareshani aur gum-wa-fikr ko door farma kar isse khushi aur musarrat me badal dega, kisi ne pucha ya Rasoollallah {sallallaahu Alaihe Wasallam} ! kya hum is DUA ko sikh le? Apne farmaya kyon nahi jo bhi is DUA ko sune iske liye munasib hai ki isse sekh le. (Sahih).

( Musnad-Ahmad , Vol-no: 2, Hadees-no: 3712 ), ( Sahih-Ibne-Habban, Vol-no: 3, Hadees-no: 972 )

Hazrat-Abu-Hurera {Radi Allahu 'Anhu} se riwayat hai Rasoollallah {sallallaahu Alaihe Wasallam} ne farmaya Besak Allah-Taala ke 99 shifati naam hai, ek kam 100 jo inhe yaad karega wo jannat me dakhil hoga, Allah-Taala vitir hai aur vitir ko pasand fermata hai,
( Sahih-Bukhari, Vol-no: 04, Book: 54 (Kitaab-ul-Shuroot), Hadees-no: 2736 ),( Sahih-Bukhari, Vol-no: 07, Book: 80 (Kitaab-ul-Dua), Hadees-no: 6410 ),( Sahih-Muslim, Vol-no: 06, Book: (Kitaab-ul-Dua), Hadees-no: 6809 )

Note:- yaad karne se moraad hai zubani yaad karna ya in naamo ke Wasila se dua karna ya in par Emaan lana aur Etaat karna hai. [Allah knows best]

99 Names of Allah { Allah-Taala ke Asmaa-Ul-Hasna } Arabic English Translation:

1 Allah () The Greatest Name
2 Ar-Rahman () The All-Compassionate
3 Ar-Rahim () The All-Merciful
4 Al-Malik () The Absolute Ruler
5 Al-Quddus () The Pure One
6 As-Salam () The Source of Peace
7 Al-Mumin () The Inspirer of Faith
8 Al-Muhaymin () The Guardian
9 Al-Aziz () The Victorious
10 Al-Jabbar () The Compeller
11 Al-Mutakabbir () The Greatest
12 Al-Khaliq () The Creator
13 Al-Bari () The Maker of Order
14 Al-Musawwir () The Shaper of Beauty
15 Al-Ghaffar () The Forgiving
16 Al-Qahhar () The Subduer
17 Al-Wahhab () The Giver of All
18 Ar-Razzaq () The Sustainer
19 Al-Fattah () The Opener
20 Al-`Alim () The Knower of All
21 Al-Qabid () The Constrictor
22 Al-Basit () The Reliever
23 Al-Khafid () The Abaser
24 Ar-Rafi () The Exalter
25 Al-Muizz () The Bestower of Honors
26 Al-Mudhill () The Humiliator
27 As-Sami () The Hearer of All
28 Al-Basir () The Seer of All
29 Al-Hakam () The Judge
30 Al-Adl () The Just
31 Al-Latif () The Subtle One
32 Al-Khabir () The All-Aware
33 Al-Halim () The Forebearing
34 Al-Azim () The Magnificent
35 Al-Ghafur () The Forgiver and Hider of Faults
36 Ash-Shakur () The Rewarder of Thankfulness
37 Al-Ali () The Highest
38 Al-Kabir () The Greatest
39 Al-Hafiz () The Preserver
40 Al-Muqit () The Nourisher
41 Al-Hasib () The Accounter
42 Al-Jalil () The Mighty
43 Al-Karim () The Generous
44 Ar-Raqib () The Watchful One
45 Al-Mujib () The Responder to Prayer
46 Al-Wasi () The All-Comprehending
92 An-Nafi () The Creator of Good
93 An-Nur () The Light
94 Al-Hadi () The Guide
95 Al-Badi () The Originator
47 Al-Hakim () The Perfectly Wise
48 Al-Wadud () The Loving One
49 Al-Majid () The Majestic One
50 Al-Baith () The Resurrector
51 Ash-Shahid () The Witness
52 Al-Haqq () The Truth
53 Al-Wakil () The Trustee
54 Al-Qawiyy () The Possessor of All Strength
55 Al-Matin () The Forceful One
56 Al-Waliyy () The Governor
57 Al-Hamid () The Praised One
58 Al-Muhsi () The Appraiser
59 Al-Mubdi () The Originator
60 Al-Muid () The Restorer
61 Al-Muhyi () The Giver of Life
62 Al-Mumit () The Taker of Life
63 Al-Hayy () The Ever Living One
64 Al-Qayyum () The Self-Existing One
65 Al-Wajid () The Finder
66 Al-Majid () The Glorious
67 Al-Wahid () The One, the All Inclusive, The Indivisible
68 As-Samad () The Satisfier of All Needs
69 Al-Qadir () The All Powerful
70 Al-Muqtadir () The Creator of All Power
71. Al-Muqaddim () The Expediter
72 Al-Muakhkhir () The Delayer
73 Al-Awwal () The First
74 Al-Akhir () The Last
75 Az-Zahir () The Manifest One
76 Al-Batin () The Hidden One
77 Al-Wali () The Protecting Friend
78 Al-Mutaali () The Supreme One
79 Al-Barr () The Doer of Good
80 At-Tawwab () The Guide to Repentance
81 Al-Muntaqim () The Avenger
82 Al-Afuww () The Forgiver
83 Ar-Rauf () The Clement
84 Malik-al-Mulk ( ) The Owner of All
85 Dhu-al-Jalal wa-al-Ikram ( ) The Lord of Majesty and Bounty
86 Al-Muqsit () The Equitable One
87 Al-Jami () The Gatherer
88 Al-Ghani () The Rich One
89 Al-Mughni () The Enricher
90 Al-Mani() The Preventer of Harm
91 Ad-Darr () The Creator of The Harmful
96 Al-Baqi () The Everlasting One
97 Al-Warith () The Inheritor of All
98 Ar-Rashid () The Righteous Teacher
99 As-Sabur () The Patient One Only One)


Zindon Ka Wasila Sabit Hai, Duniya sy Rukhsat(death) Kiye Hue Ambiya, Auliya Ka Nahi ;
1. Hazrat-Annas-Bin-Maalik {Radi Allahu 'Anhu} kaha ke jab kabi bhi Hazrat-Umar {Radi Allahu 'Anhu} ke zamane me Qahat (yani sukha) pada to Hazrat-Ummar {Radi Allahu 'Anhu} ne Hazrat-Abbas-Bin-Abdul-Mutallib {Radi Allahu 'Anhu} ke WASILA se barish talab ki aur farmaya [ Ya Allah ! hum pahele tere Nabi {sallallaahu Alaihe Wasallam} ka Wasila tere pass late aur tu hum par barish barsa deta tha, ab hum apne Nabi {sallallaahu Alaihe Wasallam} ke chacha (uncle) ka Wasila tere pass laye hain, pas hum par Barish barsha de, iske baad Barish ho gai. ( Sahih-Bukhari, Vol-no: 2, Book 15 Kitab-ul-Istasqah), Hadees-no: 1010 )

2. Hazrat-Usmaan-Bin-Haneef {Radi Allahu 'Anhu} farmate hain ke ek Nabina(blind) shakhs Rasoollallah {sallallaahu Alaihe Wasallam} ki khidmat me hazir hua aur arz kiya ke mere liye Aafiyat ki DUA kare, Aap {sallallaahu Alaihe Wasallam} ne farmaya agar chaho to main DUA karta hu aur agar chaho to issi (nabinapan) par sabar karo aur ye tumhare liye bahtar hai, isne arz kiya Aap mere liye DUA hi kar dijiye, chunancha Aap {sallallaahu Alaihe Wasallam} ne isse hukum diya ke achhi tarah wazu karne ke baad is tarah DUA karo, [ Aye Allah! main tujhse tere nabi Mohammad {sallallaahu Alaihe Wasallam} ke Wasile se sawal karta hu, Aye Allah! mere bare me inki shifaat qabool farma.( Jamia-Tirmizi, Vol-no: 2, Book Kitab-ul-Dua), Hadees-no: 1502 )

Ye Dono Hadees Sahih Hain;

Nabina (blind) Sahabi ka waqiya Sanan-Tirmizi, Sanan-Nisai, Ibne-Majah, Musnad-Ahamad aur Bahqi me mujood hai, Humne is hadees ke alfaaz Sheikh-Albani (Rahimahullah) ki sahih-Sanan-Tirmizi se liye hain, waqiya ki haqiqat ye hai ke ek Nabina Sahabi Rasoollallah {sallallaahu Alaihe Wasallam} ki khidmat me hazir hue aur ilteja (request) ki DUA farmaye Allah mujhe Bina (blindless) kar de, Aap {sallallaahu Alaihe Wasallam} ne khud bhi iske liye DUA farmai aur isse bhi nasihat farmai ke jakar Allah ke huzur me ye DUA maang, [ Aye Allah ! maine Nabi {sallallaahu Alaihe Wasallam} ki DUA ke waste se apne RAB ki taraf tawajah ki hai, yani maine apne Rab ke huzur Nabi {sallallaahu Alaihe Wasallam} se DUA karwai hai, pas Aye Allah ! to Nabi {sallallaahu Alaihe Wasallam} ki DUA mere haq me qabool farma Aur Nabi {sallallaahu Alaihe Wasallam} aur Nabina-sahabi ki Duaon ke natija me Allah-Taala ne Sahabi ki binai wapas lauta di.

Aur dosra waqiya ye hai ke Hazrat-Umar {Radi Allahu 'Anhu} ke zamane-e-khilafat me Qahat (sukha) pada to Hazrat-Umar {Radi Allahu 'Anhu} ne Nabi {sallallaahu Alaihe Wasallam} ke chacha (uncle) Hazrat-Abbas {Radi Allahu 'Anhu} se barish ke liye DUA karwai aur khud bhi ye DUA mangi, [ Aye Allah ! pahle hum Nabi {sallallaahu Alaihe Wasallam} ke Wasile se DUA mangte the aur tu barish barsa deta tha, ab hum Apne Nabi {sallallaahu Alaihe Wasallam} ke chacha (uncle) ke Wasile se DUA maang rahe hain, pas hum par barish barsa de,] Fatah-ul-Baari me Imaam-Ibne-Hazar (Rahimahullah) ne Hazrat-Abbas {Radi Allahu 'Anhu} ki DUA ke Alfaaz bhi nakal farmaye hai jo ye hai, [ Ya Allah ! ye gunnah alodah hanth teri bargah me phele hue hain aur hamari peshaniya Tauba ke liye teri taraf jhoki hui hain, ya Allah ! hum par barish nazil farma, Hazrat-Abbas {Radi Allahu 'Anhu} ke Duaon ke natijah me Allah-Taala ne barish barsa di.

Dono Hadeeson Se Jo Baat Samne Aati Hain Wo Ye Hain:

1. Kisi musibat aur mushkil ke waqt apne me se kisi zinda aur mujooda, Muttaqi, Neek, aur Qabil-e-Ahtraam shakshiyat ko Dua ke liye Wasila banana jayez hai.

2. Musibat aur mushkil ke waqt khud bhi Dua karni zaruri hai, jaisa ke Rasoollallah {sallallaahu Alaihe Wasallam} ne Nabina-Sahabi ko nasihat farmai ya dosre waqiya me Hazrat-Umar {Radi Allahu 'Anhu} ne pahle khud DUA mangi phir Hazrat-Abbas {Radi Allahu 'Anhu} se DUA mangne ki darkhast ki.

3. Teesri baat in Hadison se ye sabit hoti hai ke Gair-Mujooda ya Inteqaal (death) kiye hue buzrogon ko wasila banana jayez nahi agar jayez hota to Hazrat-Umar {Radi Allahu 'Anhu} Hazrat-Abbas {Radi Allahu 'Anhu} ko Wasila banane ke bajaye Rasool {sallallaahu Alaihe Wasallam} ki Qabar Mubarak par hazir hote aur inhe Wasila banate jo bilasuba Hazrat-Abbas {Radi Allahu 'Anhu} se Aala-wa-Afzal the.

Indono Hadeeson se gair-hazir ya Duniya sy Rukhsat (Death) kiye hue shakhsiyat ect. Ka Wasila to sabit nahi hota balke zinda buzrogon ki Dua ko Wasila banana ka jawar sabit hota hai, Gair-Hazir aur inteqaal (death) kiye hue Abmiya, Auliya aur Sulha ko Wasila nahi banana kuch baton ke dalayel se bhi hoti hai.

1. Rasoollallah {sallallaahu Alaihe Wasallam} ne apni sari Hayat-e-Taiyaba me kisi bhi mauqe par Hazrat-Ibraim, Hazrat-Musaa, Hazrat-Esaa {Alaihi salam} ya kisi dosre jalil-o-qadar paigamber ko DUA me Wasila nahi banaya.

2. Sahaba ke daur-e-khilafat me kisi sahabi ka Rasoollallah {sallallaahu Alaihe Wasallam} ko apni DUA me Wasila banana sabit nahi hai na kisi Sahabi ka Rasoollallah {sallallaahu Alaihe Wasallam} ki Qabar par hazir ho kar Aap se Dua karwana sabit hai.

{Aadam {Aalaih-islaam} Ki Tauba Quraan Ki Roshni Me}

Aadam {Aalaih-islaam} ne apne Rab se chand baate sikh li aur ALLAH ne inki tauba qabul farmai, beshak wahi Tauba qabul karne wala aur Raham karne wala hai, ( Al-Quraan, Surah-No- 02, Surah-Tul-Baqrah, Aayat-No-37 )

Tafseer:- Hazrat Aadam {Aalaih-islaam} ne jab Iblees ki baat per aa-gaye aur Gunha ker bethye, Allah s.t. ki Narjgi sy Gumgeen ho gaye, Dua aur Astaghfaar me masruf ho gaye, is muke par bhi ALLAH s.t. ne rahnumai-wa-dastagiri farmai aur qalmate mafi sikha diya jo " Surah-Tul-Aaraaf, Aayat-no-23" me bayan kiye gaye hain.

Dono ne kaha aye hamare Rab, humne apna bada nuksan kiya tu hamari magfirat na karega aur hum pe raham na karega, to waqai hum nuksan pane walon me se ho jayege.(Al-Quraan,Surah-No-07,Surah-Tul-Aaraaf, Aayat-No-23 )

Tafseer:- Tauba-wa-Astaghfaar ke ye wahi qalmat hain jo Aadam {Aalaih-islaam} ne Allah-Taala se sikhe jaisa k "Surah-Tul-Baqrah, Aayat-no-37" me sarahat hai. Iski Tafseer ke Liye Dekhe ( Tafseer-ibn-Kathir, Surah-Al-Baqarah, Aayat-no,37 ) Aur ( Tafseer-ibn-Kathir, Surah-Al-Aaraaf, Aayat-no,23 )

Note:- Kuch log ek "Mauzoo" riwayat ka sahara lete hue kahte hain ke “Hazrat-Aadam {Aalaih-islaam}” ne Arsh-e-Elahi par ( La ilaha illallah Muhammadur Rasoollallah) likha dekha aur Rasoollallah {sallallaahu Alaihe Wasallam} ke wasile se dua mangi to ALLAH ne inhe maaf kardiya, ye rawayet “BE-SANAD” hai aur "QURAAN" ke bhi khilaf hai, ALLAH ke batlaye hue tariqe ke khilaf bhi hai, tamaam Ambiya {Aalaih-islaam} ne "Barahe-Raast" ALLAH se dua ki hai, kisi Nabi,Wali,Buzruk ka wasta aur wasila nahi pakda, isliye Nabi-Kareem {sallallaahu Alaihe Wasallam} samet tamaam Ambiya {Aalaih-islaam} ka tariqa yahi raha hai ke begair kisi waste aur wasila ke ALLAH ki bargah me dua ki jaye.
 
Last edited: