• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Koi diqqat ho to hamein MAIL karen.

Pdf Saheeh Fazaail-e-a'maal

Joined
Dec 23, 2017
Messages
3
Ratings
3
Points
6
Location
Shorapur
#1
Alhamdulillaah wa salaamun ‘alaa ‘ibaadihillazeenastafaa.
As-Salaam ‘alaikum wa Rahmatullaahi wa Barakaatuhu.
Fazaail-e-A’amaal deen ka ek intehaayi ahem hissah hai. Insaan fitri taur par bařa hi harees hota hai. Jab tak use kisi ‘amal ke fazaail ka ‘ilm nahi hota woh us par ‘amal karne ke liye aamadah nahi hota. Lihaazah isi munaasibat se aise a’maal jin ka ajar bahut ziyaadah hai jo saheeh ahaadees se manqool hain unhein is risaale mein jam’a kiya gaya hai. Lekin aksar log ba-shumool ‘ulama fazaaile-a’maal bayaan karne mein za’eef aur jhooti riwaayatein bayaan karte hain haalaanke za’eef ahaadees bayaan karna kisi bhi soorat mein jaaiz nahi illa yeh ke us ke zu’f ko bayaan kiya jaaye. Isliye Imaam Muslim (rh) farmaate hain: “Jo shakhs za’eef hadees ke zu’f ko jaanne ke bawajood us ke zu’f ko bayaan na kare woh gunaah-gaar hai aur awwaam ko dhoka deta hai kyoun ke mumkin hai ke uski bayaan kardah ahaadees ko sunne waala un sab par ya un mein se ba’z par ‘amal kare aur mumkin hai ke woh sab ahaadees ya ba’z ahaadees jhooťi hon aur unki koi asal na ho jabke saheeh ahaadees is qadr hain ke un ke hote huwe za’eef ahaadees ki zarooat hi nahi.” (Muqaddamah Saheeh Muslim). Is risaale mein jo ahaadees darj ki gayi hain woh Saheeh Bukhari aur Saheeh Muslim se maakhooz hain. Kyoun ke yeh dono ahaadees ki aisi kitaabein hain jin ke saheeh hone mein bila-tafreeq maslak wa makaatib-e-fikr salf se khalf tak poori ummat ka ittefaaq hai. Aur umeed hai ke is risaale mein bayaan ahadees par ‘amal karne ke ba’d use kaamil yaqeen aur itminaan rahega ke jo kuch woh ‘amal kar raha use is ‘amal par ajar milega, in shaa Allaah. Jabke za’eef aur mauzu riwaayaton par ‘amal karne par sawaab ghair yaqeeni hai. Bi-fazlillaah, Hum yeh kitaab isliye tayaar kee ke yeh mere liye sadaqatul jaariyah banay. My umeed karta hoon ke jo log bhi isko phailaane ke liye apna maal, apna waqt sarf karenge, yeh unke liye bhi khoob saara sadaqatul jaariyah naseeb hoga, in shaa Allaah. Was-Salaam ‘alaikum wa Rahmatullaahi wa Barakaatuhu

Dr. Muhammed Yaaseen
Dr. Noorul Hussain Khazi
 

Attachments