• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Koi diqqat ho to hamein MAIL karen.

KYA HAZRAT ADAM(AS) NE NABI SALLALAHU ALAIHI WASALLAM KA WASEELA LIYA THA?

Joined
Apr 16, 2018
Messages
57
Ratings
25
Points
9
Location
Mumbai
#1
Yeh hadees bohot mashoor hai aur yeh qabar paraston (barelviyon) ki daleel bhi hai ke jab hazrat adam (as) ko allah ta'ala ne jannat se nikal diya toh hazrat adam (as) ne hamare nabi janab e Muhammad SAW ka waseeela liya toh allah ta'ala adam (as) ki magfirat ki Aye yeh hadees ka taqeeqi jayeza lein.


HADEES: RasoolAllah Sallallahu Alaihiwa sallam ne farmaya*


Jab Hazrat Adam Alaihissalam se bhool huvi to Unhon ne Arz kiya ke Aye Parwardigar main tujhse Bawasta e Muhammad Sallallahu Alaihiwa sallam sawal karta hun ke meri maghfirat farmade


Allah ta"ala ne irshad Farmaya Aye Adam tu ne Muhammad Sallallahu Alaihiwa sallam ko kaise pehchana Hala ke abhi maine inko dunya me paida bhi nahi kiya?


Ap Adam Alaihi salam ne Arz kiya Aye mere Rab maine unhen is tarah pehchana ke jab tune mujhe apne Dast e Qudrat se paida farmaya aur Apni taraf se Mere andar Rooh Phoonki maine Sar utha kar dekha to Arsh ke payon par ye likha hua tha LAAILAAHAA ILLALLAHO MUHAMMADUR RASOOLULLAH so mene jaan liya ke Tu ne apne muqaddas naam ke sath aisi hasti ke naam ko milaya hai jo tere nazdeek tamam makhlooq se zyada pyari hai


Allah ta"ala ne farmaya Aye Adam Tum ne sahih samjha Waqi Muhammad Sallallahu Alaihiwa sallam mere nazdik tamam makhlooq se zyada pyare hain aur jab tumne un ke waste se mujhse Darkhuast ki hai to Maine Tumhari maghfirat ki aur Muhammad Sallallahu Alaihiwasallam na hote to main tumhen bhi paida na karta.(Mustadark Hakim Hadees No.4228, Majmua Al Awsat Lil Imam Tabarani Hadees No.6502)


YEH HADEES MAWDOO (JHOOTI) HAI KYUN KE IS MEIN RAAWI HAI ABDUL REHMAN IBN ZAID IBN ASLAM YEH RAAWI KAZZAAB HAI.


Imam Hakim rh farmate hai ke yeh raawi apne baap se jhooti riwayat gadta tha.(Al Madhkaal Lil As Saheeh Pg No.104)

Imam Al Jawzi rh farmate hai ke yeh raawi zaeef hai is pe muhaddiseen rh ka ijma hai.

(Tehzeeb At Tehzeeb 4/91 No.3974, Meezan Ul Aitedaal 4/282 No.4873).

AUR YEH HADEES QURANI AYAT SE BHI TAKRA RAHI HAI.

1) Aadam Alaihisalam ne apne Rab se chand baaten seekh lin aur Allah Ta"ala ne un ki tauba qabool farmayee Beshak wohi Tauba Qabool kerne wala aur Reham karne wala hai (Surah Al Baqarah Surah No.2 Ayat No.37)

2) Dono ne kaha Aye Hamare rab Hum ne apna bada nuksan kiya aur agar Tu hamari maghfirat na karega aur hum pqr Reham na Karega to Waqayee hum Nuksan pane walon me se hojayenge (Surah Al Araaf Surah No.7 Ayat No.22,23)

ALLAH HUM SAB SIRATE MUSTAQEEM PAR CHALAYE AUR TEHQEEQI ZEHNIYAT ATAA FARMAYE AAMEEN YA RABBAL AALAMEEN
 
Top