Usman Radhiallahu Anhu Ki Shahadat


Shona shaikh

Active member
SHAHADAT E USMAN Bin AFFAN RADIALLAHU ANHU

Aaj khud us USMAN IBN AFFAN RADI ALLAHU ANHU ke ghar ko gher liya gaya hai..... Abu Huraira Radi allahu anhu bhaagte hue aaye kaha "Ameerul momineen baagiyon ne aapke ghar ko gher liya hai Nabi Sallallahu Alaihi Wasallam ke 700 sahaba aaj bhi moujood hain.... Hukm dijiye inki gardanen (necks) uda dein"

USMAN IBN AFFAN RADI ALLAHU ANHU ne apni nazrein uthayein aur Farmaya "Abu huraira sun lo! Jo talwaaren sahaba ki Rabb k liye uthti hain use Usman apni zaat ke liye istemaal karne pe tayyar nahi hai.... Lashkar Rabb ke deen ke liye hai, apni zaat k liye khoon bahaana ganwaara nahi...palat jao.."

Dusre sahaaba aaye jo mulk e shaam ke governer ne khat likha hai "Ae ameerul momineen 60000 fauj aap ki hifazat k liye tayyar hai....
USMAN IBN AFFAN RADI ALLAHU ANHU ne farmaaya "Aye mere bhai 60000 toh kya main apni zaat ke liye 60 bhi pasand nahi karta"

Oo muqaabla karne waalon aao... mazloomiyat ka hawaala dete ho toh aao muqaabla karo.... Karbala ek taraf aur madinatun Nabi mein Nabi sallallahu alaihi wasallam ke Daamaad USMAN BIN AFFAN RADI ALLAHU ANHU ek taraf....mazloomiyat ki baat karte ho ao dekho mazloom kaun hai?????

Idhar bhi talwaar hai,
udhar bhi talwaar,
idhar bhi dushmanaane lashkar,
udhar bhi dushmanaane lashkar,
idhar bhi jaan nisaar,
udhar bhi jaan nisaar...
lekin idhar USMAN BIN AFFAN RADI ALLAHU ANHU ke saath koi nahi..... Udhar Hussain radiallahu anhu ke saath 70 se ziyada ...... USMAN BIN AFFAN RADI ALLAHU ANHU ke ghar ke baahar khade jaan nissar unke ek ishaare pe ladne ko tayyar lekin kisi ko nahi pukaara..... Karbala mein 10 ka lashkar aaya subah jung hui dopahar tak khatm hui (Hussain radi alahu anhu shaheed hue )........aur yahan USMAN IBN AFFAN RADI ALLAHU ANHU ko 40 din paani band kar diya gaya...khaane ke liye kuch nahi diya gaya...

Oo musalmaano batao jab momino ko paani peene k liye kunwaa nahi tha toh kisne apni kamaai se kunwaa kharida tha?? Kaha usman tum the

Kaha USMAN IBN AFFAN RADI ALLAHU ANHU " Aaj mujhe us masjid mein namaz nahi padhne dete jis ki jagah maine khareed k di thi "

USMAN IBN AFFAN RADI ALLAHU ANHU ne apne ghar ki chat pe khade hokr pucha "aye logon jab musalmaano ko paani peene ki jagah nahi thi toh kisne kunwa khareeda tha??" kaha usman tum ne "aaj usi kunwein se mujhe paani nahi peene dete"

Aye logon sun lo jo USMAN BIN AFFAN RADI ALLAHU ANHU pe zabaanein kholte hain .... Woh USMAN BIN AFFAN RADI ALLAHU ANHU kaun tha aur uske paas kya tha??

Uske paas 5000 ghulam the, jiske paas jaanwar laa tadaad (unlimited) the .......shaheed hone k waqt us USMAN IBN AFFAN RADI ALLAHU ANHU k paas sirf aur sirf EK uunt tha...

USMAN IBN AFFAN RADI ALLAHU ANHU ne aasmaan ki taraf ungli utha kar kaha "Ae Allah tu bhi gawaah hoja ..ae zameen k logon tum bhi gawaah hojao aaj usman ki jaaydaad sirf ek uunt hain..yeh uunt bhi isliye rakhi hai ki Rabb ke kaaba ki ziyarat kar saku.sab kuch rabb ki raah mein loota diya "

Woh USMAN IBN AFFAN RADI ALLAHU ANHU , ummul momineen ammi ayesha radi allahu anha ko pata chala ki usman aaj 11 din ka bhooka pyaasa apne ghar ki chat pe khada hokar paani ka sawaal kar raha hai....Maa ne paani bhara ...khacchar pe sawaar hui aur USMAN RADI ALLAHU ANHU ki ghar ki taraf badhi (MAZLOOMIYAT KI DAASTAN KAUN BAYAN KARE??)

Baagiyon ne dekha ammi ayesha radi allahu anha ko ,badkirdaaron ne dekha,badmaashon ne dekha, Muhammad sallallahu alaihi wasallam ki biwi ka bhi ehteraam nahi kiya.....Badmaashon ne neza maara paani ki mashak taar taar hogayi...paani saara gir gaya...ammi khachar ko lekr sehraon mein nikal gayi..

Ali radi allahu anhu ko pata chala apne beton (HASAN AUR HUSSAIN) ko beton ko paani dekar bheja aur kaha " jao ! Aaj rasul ka daamaad , sahaba ka surkhail , sarwar e kainaat ka jaan nisaar , muhammad sallallahu alaihi wasallam ki zabaan se jannat ki bashaarat paane waala...ummul momineen ko bhi paani nahi le jaane nahi diya ....Hussain tum jao , Hasan tum jao Muhammad sallallahu alaihi wasallam ke daamaad zunnoorain ko paani pilao"....Hasan aur HUssain nikle ....USMAN RADI ALLAHU ANHU k ghar ki taraf badhe ..Dushmano ne roka .....(ae usman Radi allahu anhu teri shraafat ka kya kehna )

Usman radi allahu anhu ne ghar k andar se awaaz lagayi "Ae Nabi sallallahu alaihi wasallam k nazwaason tumhe Tumhare nana k rabb ki kasam dekr kehta hoon ....meri zaat k liye mat lado...ladna hai toh rabb ke deen k liye lado...paani waapas lejao main nabi sallallahu alaihi wasallam k nawaason ko takleef mein nahi dekh sakta..

39 din guzar gaye naa kuch khaaya naa kuch peeya ...ameerul momineen USMAN RADI ALLAHU ANHU ki biwi NAILA , maghrib ki azaan ka waqt hota hai , azaan ki awaaz aati hai , daudti hui aati hain kehti hai "Ae ameerul momineen aaj toh iftaar karne k liye ghar mein namak tak nahi hai"....USMAN RADI ALLAHU ANHU ne kaha "Naila gham naa karo ....roza neeyat kaa ... neeyat se hi rakha ...aur neeyta se hi iftaar karli....koi baat nahi "

Subah uthe , chaaliswaan (40) din ........ sehri karne k liye paani ki ek boond bhi ghar mein nahi ...hazrat e naila roti hui aayein ..kaha " mere sartaaj aaj toh roza rakhne k liye ghar mein paani tak nahi hai".....USMAN RADI ALLAHU ANHU ne kaha "koi bat nahi kal jaise neeyat se iftaar kar liya sehri bhi neeyat se karlo.................Dopahar ka waqt hogaya

Jumma ki namaz ka waqt hogaya .. USMAN RADI ALLAHU ANHU pe behoshi taari hogayi.quran saamne rakha hua tha .....USMAN RADI ALLAHU ANHU quran padhne lage ....quran padhte padhte behoshi taari hogayi ....gardan quran pe gir gayi....hazrat e naila ko laga ki USMAN RADI ALLAHU ANHU ki rooh nikal gayi...

hazrat e naila ne hilaaya , USMAN RADI ALLAHU ANHU ne aankh kholi , hazrat e naila ki aankhon mein aansu aagaye farmaaya" usman aaj haalat nahut kamzor hogayi hai ab wajood sambhaala nahi jaa raha hai....aaj roza kaise kholenge ????

USMAN RADI ALLAHU ANHU ne faramaya "bibi fikr mat karo abhi jab main quran pe sar rakh lia tha toh maine dekha ki Nabi sallallahu alaihi wasallam , abu bakr aur umar mujhe dekha aur farmaya "usman kya baat hai "

maine kaha rasulallah 40 din se kuch khaaya nahi kuch peeya nahi ....neeyat se roza rakha hua hai ... " Nabi sallallahu alaihi wasallam ne kaha " Usman gham naa karo ...aaj roza iftaar hamare saath karna " USMAN RADI ALLAHU ANHU ne farmaaya "Naila lagta hai takleefon k din aaj khatm hone waale hain........

Abhi naila palti nahi aur USMAN RADI ALLAHU ANHU ne quran ki tilawat waapas shuru kardi ........itne mein 4 baagi deewaar laang kar aaye hazrat e naila ne kaha "usman aaj dushman deewar laang k ghar mein aagaye ".USMAN RADI ALLAHU ANHU ne apni nazar ko quran pe jama diye.......naila bhaag kar USMAN RADI ALLAHU ANHU ka kandha pakad liya aur kaha "usman dushman aagaye" USMAN RADI ALLAHU ANHU ne kaha ki "naila roze k aakhri din mein meri nigaahein quran se naa hatao ............ jee chahta hai ki qayamat k din rabb jab puche ki usman aakhri cheez kya dekhi toh main keh saku ki ya allah tera kalaam dekha"

Dushman bhaagte hue aaye ....ek badbakht ne daadhi mubarak pakdi , jhatke diye ....USMAN RADI ALLAHU ANHU ne phir bhi nazar quran se hataana ganwaara nahi kiya ....ek aur aage badha usne talwaar ka vaar kiya......talwaar pasliyon ko todti hui nikal gayi.....USMAN RADI ALLAHU ANHU ne phir bhi nazar nahi hatai....Quraan ki tilawat mein lage rahe .......ek aur aage badha usne talwaar ka vaar kiya .....gardan kat rahi thi ...USMAN RADI ALLAHU ANHU ke labon se awaaz nikli ......Ek din aayega jab in zaalimon se ek ek baat ka hisaab liya jaayega (surah baqraah aayat 137)

Naila ne haath aage kiye chaaron ungliyaan kat k neeche gir padi........USMAN RADI ALLAHU ANHU ki laash be gaur o be kafan padi hai.........aur zaalim ki badbakhti ki inteha .....shaheed karne pe koi afsos nahi ...laash ko bichaaya aur chad ke naachte rahe....



woh USMAN RADI ALLAHU ANHU jis ki hayaa ka paas asman k farishte bhi karte the ... . aaj us USMAN RADI ALLAHU ANHU ki laash ko ronda jaa raha hai..koi nahi jo USMAN RADI ALLAHU ANHU ki laash e mubarak ko tawheen se bachaye ............. 3 din tak unki laash ghar mein padi rahi .....uske baad kuch log aaye aur laash e mubarak ko le jaakr jannatul baqi k kinaare dafan kardi...........

Itni badi shahadat ..itne bade martabe ka insaan jiske baare mein nabi sallallahu alaihi wasallam ne kaha tha ki"usman iske baad kuch bhi amal naa kare jo bhi jannat mein jaayega"

Imam e mazloom , zunnurain , ameerul momineen , khalifatur rasool , daamaad e rasul , nabi sallallahu alaihi wasallam ki zabaan se 20 martaba jannat ki basharat paane waalawoh USMAN RADI ALLAHU ANHU is tarah shaheed hogaya lekin musalmaano k khoon ka ek katra bhi khud k liye bahaana pasand nahi kiya



KYA HUM MUSALMAAN AAJ YEH JAANTE HAIN KI HAMARE SAHAABA MEIN USMAN RADI ALLAHU ANHU JAISA BHI KOI SHAHEED GUZRA HAI..........

BAAT SUNTE HO KARBALA KI MAZLOOMIYAT KI ......BESHAK HUSSAIN RADI ALLAHU ANHU MAZLOOM SHAHEED HUE .........LEKIN ALLAH KI KASAM KAINAAT MEIN KISI NE USMAN RADI ALLAHU ANHU K JAISA MAZLOOM SHAHEED NAHI DEKHA

MAAL LOOTA DIYA , KAT GAYE LEKIN AFSOS AAJ MUSALMAANO KI KISI BHI MAJLIS MEIN USMAN RADI ALLAHU ANHU SAYAADUS SHOHDA E SAANI KO AAJ KOI YAAD NAHIN KARTA

Saari baatein Allama ehsaan ilahi zaheer shaheed rahimulla ki taqreer se li gayi hain...

Maine poori nahi mukhtasar si taqreer post kiya hoon

Maqsad sirf aap logon tak yeh pohchaana tha ki....

Ameerul momineen Usman ibn affan radi allahu anhu ki shahadat kaise hui....aur woh kitni mazloomiyat se shaheed hue......ummeed karta ki Ahle sunnat Usman radi allahu anhu aur unke jaise bade bade sahaba ka zikr kare .....unki seerat bataye......unka maqaam bataye.....unka aamaal bataye....

Yeh bhi daawat hai bhaiyon.........

Sirf behas o mubahisa hi daawat nahi.....yeh baatein bata kar logon ko hum batayein ki hum sirf behas karne waali jamaat nahi...

Fazail hamare paas bhi hain....

Sahaba hamare paas bhi hai......

Martaba humein bhi pata hai....

Maqaam hum bhi jaante hain....
 
Top